Балалы үйдің ұрлығы жатпас.

Қарға баласын “аппағым” дейді.
Кірпі баласын “жұмсағым” дейді.

Жалғыз баласы бардың
Шығар-шығпас жаны бар.
Екі баласы бардың,
Өкпе, бауыр, жалы бар.
Үш баласы бардың,
Бұқарада пұлы бар.

Қызы бар үйдің жеңгесі сүйкімді.

Бардың қатыны өлсе,
Төсегі жаңғырар.
Жоқтың қатыны өлсе,
Басы каңғырар.

Атың жақсы болса – пырағың,
Қатының жаксы болса – шырағың.

Ата-ананың қадірін
Балалы болғанда білерсің.
Ағайынның қадірін
Жалалы болғанда білерсің.

Ана сүтін актамағанды
Ешкім мактамайды.

Жылтырағанның бәрі алтын емес.

Қына тастан шығады,
Өнер – білім жастан шығады.

Сырлы аяқтың сыры кетсе де,
Сыны кетпейді.

Сабыр түбі сары алтын.

Еріншек қатынның
Етегі жыртық,
Ерке қатынның
Еріні тыртық.

Басқа пәле тілден.

Бас кеспек болса да,
Тіл кеспек жок.

Сөз тапқанға қолқа жок.

Жақсы байқап сөйлер,
Жаман шайқап сөйлер.

Сөз сүйектен өтеді,
Таяқ еттен өтеді.

Ұлы сөзде ұят жок.

Ақымақ ішкен-жегенін айтады,
Ақылды көрген-білгенін айтады.

Ер жігіттің өлгені –
Ессіз болса алғаны.
Әділ бидін өлгені –
Сөзінің болса жалғаны.

Еңбегі жок ғалым –
Ыстығы жоқ жалын.

Аз қайғыны ас басады,
Көп қайғыны дос басады.

Жылқының етін жесең,
Тісіңе кіреді,
Жемесең түсіңе кіреді.

Аз ғана асым,
Даусыз басым.

Болар адам – он бесінде бас болар,
Болмас адам – қырық бесінде жас болар.

Жаман итті еркелетсең,
Аузыңды жалар.
Жаман адамды еркелетсең,
Жаныңды алар.

Ағаш тамырымен мықты.
Адам дос-жарымен мықты.